Abduldalilai

Iar Alli Kennen D’gschicht Vom Ferdinand
Ds’ Schicksal Vo Dera Katz Isch Allna Wohlbekannt
In Nochbarsgärta Hät Er Gsunga
Und Mengi Dama Umabrunga
Um Nochwuchs Het Er Sich Nia Sorga Gmacht

So Het Er Au Amol In Tüüfer Nacht
Anra Siamdama A Haissi Liabasnacht Gmacht
S’het Nochwuchs Geh, S’erschtunt Au Nid
I Segs Eu Usem Stand
Doch Dr Ferdinand Dr Ferdinand Isch Ab Unerkannt

Ds’ Siamdämli Het
Denn Ganz Allai
En Sohn Gebora Namens Abduldalilai
Er Isch Nid Gliich Wia Andri Gsi
Das Het Er Dütlich Gmerkt
Katz Isch Katz Ob Wiis Ob Schwarz
Het Er Sich Selber Gschtärkt

Ma Het Na Plogt Het Über Ihn Glacht
Aber Er Het Immer Sini Liader Gsunga
Ma Het Sich Über Ihn Luschtig Gmacht
Doch Dr Abduldalilai
Fühlt Sich Trotzdem Frei
Het Über Dia Unterschied Nu Glacht

So Het Er Denn Ganz Locker Durabrocha D’mur
Und Het Sich Fröhlich Ufgmacht Uf Vater’s Schpur
Het Liabasliader Gsunga
Und Mengi Wiibli Ummabrunga
Kai Brändli Het Sich Gschtört Am Katzagsang

Dr Ferdinand Wär Scholz
Würd Er Sin Schprössling Gse
Wia Dä Siis Läba Maischtarat, Nid Wiana Fahna Weht
Er Goht Sin Wäg Mit Schtolzem Blick
Solang Ma Ihn Nu Lot
Und Na Niamert Mit Am Topf Für D’nacht Grundlos Erschlot

As hätt g`rägnet dr ganzi Tag
Graui Näbel hangen in da Bäum
A Schpiagelbild, ganz tüf us minra Seel
Du häsch mi hüt verloh

Sìsch lang scho fertig gsi, doch s`hät keina wella dr Verlürer si
Und jetz schtohn i vor dem Scherbahuufa do
Du bisch eifach wäg

I luaga leeri Mura a, helli Flägga an dr Wand
Wo doch no geschter dini Bilder g`hanget sin
Alles verbii, as git kei zrugg, und as tuat weh

Schtändig lütet z`Telefon, i nümma ab, und wart` uf as Wort vu diar
Doch du bisch es nit, ma wett in Usgang go,
ma meints nu guat mit miar

Und in da Liachter vo dr Schtat, schimmret fin dis langa Hoor
Dis Schpiagelbild verhöhnt mi, lach mit dräggig a
Und mair würd klar, alles verbi, und as tuat weh

D' Fanfara tönen, dr Kaiser isch tod
niameh Unterdrückig, niameh Not
Z' Volk wird wähla Demokratie
nüt darf meh so wia frühner si

A paar Joor schpöter isch alles wider glich
Macht neu verteilt nüt veränderet sich
Wia schön wär doch d' Welt wia ruhig wären d' Täg
Wenn dr Mensch us dr Gschicht öppis lärna tät

Alli sind gliich d' Menscha ai Rassa
nümma luaga uf Religion und Klassa
Minderheit vernichta hesch dörfa verneh
das darfs uf dera Welt gar niameh geh

Doch a Brandaschlag döt, Terror do
irgend öppis kann do nit ufgoh
Wia schön wär doch d' Welt wia ruhig wärwn d' Täg
wenn dr Mensch us dr Gschicht öppis lärna tät

1945 dr Kriag isch verbii, alli sind sich einig das dörf nia meh si
Bünd werden gschlossa, Verträg unterschriba
Jetzt wird alles guat isch ma denn verbliiba

Fufzg Johr schpöter d' Ernüchterig isch gross
überall uf dr Welt gön' s ufanand los
Wia schön wär doch d' Welt wia ruhig wären Täg
wenn dr Mensch us dr Gschicht öppis lärna tät

Morga halb sibni, d’Wecker dä schällt
scho wider Mentig, i glaubes fascht nid
A halbs Schtündli schpöter bisch scho wider dri
bis am obig am Zehni voll mitdabii

Zischtig noch am Znacht, i schtregga kurz Bei
mergga drum plötzlich, wia schön wär’s dahai
Schlüssa kurz d’Auga und penna fascht i
Doch am Achti isch Füüwehr, muass das hüt si

Ref:

Kasch rüafa wenn d’wetsch
telefoniara wenn d’sötsch
Bin immer do, doch lön mi am Sunntig in Ruah
Dia ganz Wucha äggschn, immer viel z’tua
Drum lön mi doch bitte am Sunntig in Ruah

Mittwoch und Friitig isch Prob mit dr Bänd
am Samschtig isch ma wider on tour in Switzerland
Wenn dr ganzi Tag gschafft hesch, isch dr Kopf öppa leer
Denn no kreativ Schaffa fallt öppa schwer

Ref:

Kasch rüafa wenn d’wetsch
telefoniara wenn d’sötsch
Bin immer do, doch lön mi am Sunntig in Ruah
Dia ganz Wucha äggschn, immer viel z’tua
Drum lön mi doch bitte am Sunntig in Ruah

Donschtig i glauba hüt obet isch nüt
Jetzt werda n’i’s gnüssa wia andari Lüt
Doch kum sitz i hära z’Telefon goht
Häsch vergässa dia Sitzig, i bin wider z’schpot

Ref:

Kasch rüafa wenn d’wetsch
telefoniara wenn d’sötsch
Bin immer do, doch lön mi am Sunntig in Ruah
Dia ganz Wucha äggschn, immer viel z’tua
Drum lön mi doch bitte am Sunntig in Ruah

Scho lang sehr lang sitz i diar geganüber und froga mi wär du ächt bisch
i nimma d' Posa n' i und mergga aber schnell as schiint nid z' richtiga z' sih
So schtohn i denn uf und sitza zu diar und mach uf coola Typ
Doch du hoggsch nu do und luagsch an miar verbii als wär i nid do oder z' klii
Jetzt han i gnuag, i froga di säg Maitli wetsch oder nid
Du luagsch mi a und saisch " aber sicher, i nimma di grad mit"


Ref:

Oh, jetzt han i as Problem, eis zu null für di
Oh, jetzt han i as Problem, eis zu null für di
Was für a Frau, wo mi so fertig macht
Wo immer weiss was si wett
Wo sich inanimmt, was ihra grad zualacht
S' het immer Platz in ihrem Bett....wenn si wett


Kum bi diar dahei kusch du grad zur sach und züchsch mi eifach us
i schtohn nu do, bada in Schweiss und kumma nömma druus
Du bisch a frau viel schtärker als i, wo mini schwächi hät gseh
Dr klini Mah hät eimol meh z' grossa Zwei uf am Rucka, oh je



Ref:

Oh, jetzt han i as Problem, eis zu null für di
Oh, jetzt han i as Problem, eis zu null für di
Was für a Frau, wo mi so fertig macht
Wo immer weiss was si wett
Wo sich inanimmt, was ihra grad zualacht
S' het immer Platz in ihrem Bett....wenn si wett

I han a schtubi Wucha kha und sehn mi noch a bitzli Ruah
will' s hüt mit Frau schön gmüatlich ha, kai Schtress eifach gar nüt tua
Denn kunsch du, hoggsch ab und gosch üs uf da Nerv
Du redsch druflos, kai Pausa meh, as hätt a schöna geh

Du bisch würkli wiana Süch
langsam isch miar alles gliich

Er isch verbi dr Traum vor Zweisamkeit, du drängsch di eifach zwüscha d' üs
Kai chance meh füra "Kändllait" din Platzbedarf isch eifach z' gross
Gib endlich ruah, hau endlich ab, miar händ di langsam satt
I lehn mi zrugg, han z' Frollein gseh und schreia ganz lut: GMAP

Und si lächlet, si het' s langsam gschnallt
öppa dia do brucht m' as halt

Gib miar a ????
I halts langsam nömma n' us
Gib miar a ????
I bruch eifach neua Pfuss
Gib miar a ????
Gib miar ???? sus flipp i nögschtens us
Gib miar a ????

Schlof mis Kind, mach ruhig d’Auga zua
I stohn an dinem Bett bis akoh bisch
Würd gern mit diar goh, begleita dina Traum
ins Kinderland, wo n’i vergessa han wia’s isch
I wär so gern derbii, und i drugg di fescht an mi

Irgendwo schtirbt täglich an schöna Kindertraum
will’s kai Platz für Träumer het
So fallt durch üs so mänga grossa Baum
wirft kai Schatta meh uf Kinderbett
So söll’s bi üs nia si, und i drugg di fescht an mi

Ref:

S’isch as Land, mit Ziit imÜberfluss
wo Kind no Kind si khön, Erwachsni bliiben duss
S’isch as Land voll Musig und Poesi
kai Berg isch z’hoch für dini Fantasie
Dia gröschti Chance für üsi ghetzti Welt
isch es Kind wo trotzdem lacht, üs sini Träum verzellt

An eigni Welt für di, jo das wünsch i diar
As Land für Kind vo Kind, für alli Ziit
Frei, was füra grosses Gfühl
will jeda vo üs als Kind uf d’Welt cho will

Das wünsch i miar für di
Au wenn’s halt numma Träum könnt si

Ref:

S’isch as Land, mit Ziit imÜberfluss
wo Kind no Kind si khön, Erwachsni bliiben duss
S’isch as Land voll Musig und Poesi
kai Berg isch z’hoch für dini Fantasie
Dia gröschti Chance für üsi ghetzti Welt
isch es Kind wo trotzdem lacht, üs sini Träum verzellt

Max isch en brava, jo - wia mas halt nimmt
er hät dahai a Katz a Hund as Auto a Frau und zwei Kind
Hedi isch Coiffeuse, und blond si isch guat
Si hät dahai zwei Kind a Ma a Hund a Fründ und gnuag Muat

Und amana schöna Tag hets dr’ Max verjagt
hät sis blonda Hedi in an Plastiksack verpackt

Max isch an fliessiga Maa, ma schätzt na sehr in dr’ Gmeindskanzlai
Am morga am Achti do kund er und got aber ziitig wieder hai

Hedi isch blond gsih, uf dr’ Gmeind do hät ma’s gwüsst;
Max hät si immer grüamt und im Bett au öppa küsst

Doch denn hät er sie wiit furt dreit, in an Wald wo jeda kennt
Er isch denn hai als wär nüüt gscheh und hät behauptet wehement

Ref:

Hedi isch durabrennt
Und I, I bin am End
Hedi isch uf und furt
Und das nid amol mim Kurt

Sie sind denn ganga, in dä Wald wo niamart goht.
Drei Herra in Uniform, doch sie kömmand z’spoht

Hedi händ’s gfunda, Kurt drufaba gseh
Er isch bim Biar im Steibock gsässa als wär ganz eifach nüd gscheh

Kurz vor Mitternacht, i ligg i minem Bett
grübla vor mi hi, obwohl i schloffa wet
I dengga an dä Tag, wo jetzt grad dura n’isch
suacha Positivs, wo gar nüt uma n’isch
Am Morga fangts grad a, dr Wecker scho nid khört
seggla denn uf d’Büaz, mis Gliichgwicht isch no gschtört
döt, das isch jo klar, kai Kaffi in dr Bar
alli schneller gsih, bschissa wieder i

das Gfühl git miar denn fascht dr Räscht
gschiider wäri hüt nia ussem Näscht

Alles was i säga, alles was i tua
isch irgendwo drnäbet, loht mi nid in Ruah
Find kai richtigs Wort, kumma niana dri
mini beida Händ schiinen hüt zwei linggi z’sih
Mini liabi Frau tuat miar langsam leid
zu ihra bin i hässig gar kai liabs Wort gsait
Meini guat, sägi schlecht
ohni viel schtudiara isch plötzlich alles recht

das Gfühl git miar denn fascht dr Räscht
gschiider wäri hüt nia ussem Näscht

Ref:

Das isch hüt nid mina Tag, a Tag wo n’i gar nid mag
Das isch hüt nid mina Tag, luag mi a du gsesch es grad
Das isch hüt nid mina Tag, wo’s nid ds’Schnufa liida mag
Nid mina Tag

das Gfühl git miar denn fascht dr Räscht
gschiider wäri hüt nia ussem Näscht

Ref:

Das isch hüt nid mina Tag, a Tag wo n’i gar nid mag
Das isch hüt nid mina Tag, luag mi a du gsesch es grad
Das isch hüt nid mina Tag, wo’s nid ds’Schnufa liida mag
Nid mina Tag

Asch isch halbi Zwölfi gsih, i lig noch wach im Bett
I losa dinem Herzschlag zua, bewacha dini Träum
Alli guata Gfühl bezüchen sich uf di
Du gisch miar Kraft, Sicherheit und Halt
As git nu di und mi, du bisch alles was i will
und es isch guat zwüscha diar und miar
schön, dass es di git

Ref:

Schön, dass du hüt do bisch
Schön, dass i di troffa han
Schön, i sega diar
Du as isch wohr, du schtellsch mis Läba uf da Kopf
und gisch em neua Sinn
Schön, dass es di git

As kund miar mengmol vor, i wär a Schiff im Meer
Kai Wasser meh an Bord und alli Segel leer
Ziellos triibts mi furt, kai Hafa wiit und breit
Doch denn kunsch du, nimmsch mi an dr Hand
Du füarsch mi sicher zrugg in mini kliini Welt
Du gisch miar z’Gfühl, i bin nid allai
Schön, dass es di git

Ref:

Schön, dass du hüt do bisch
Schön, dass i di troffa han
Schön, i sega diar
Du as isch wohr, du schtellsch mis Läba uf da Kopf
und gisch em neua Sinn
Schön, dass es di git

D’Schual endlich us, z’Gfühl jetzt gohts voll los
dr Hunger noch am Läba isch plötzlcih riisagross
Gmeinsam hämmer as Ticket glöst, grad no dr erschti Pass
Kleider und dr Schlofsack packt, denn nu no ab uf Gass

Irgendwo, im warma Griachaland
Tag und Nacht unter Schtrom, Sunna und wiissem Sand
Gläbt ohni Ziit ohni Grenza und Uhr, noch em Luschtprinzip, gnüssa puur
Essa, trinka, schlofa und liaba, d’Welt rund um hät üs nia intressiart kha

Ref:

So wiit zrugg, so wiit awäg, doch vergässa han i di nid
immer wieder an di denggt
So wiit zrugg, so wiit awäg, doch vergässa han i si nid
üsari persönlich Summerziit

Denn wieder zrugg in üsna Breitagrad, hemmer langsam gmerkt, dass do nid wiiter goht
Jeda goht sin Wäg, Realität isch wieder dra
Doch i wett’s nid missa, dia Ziit wo miar hen kha

Ref:

So wiit zrugg, so wiit awäg, doch vergässa han i di nid
immer wieder an di denggt
So wiit zrugg, so wiit awäg, doch vergässa han i si nid
üsari persönlich Summerziit

So wiit zrugg, so wiit awäg, doch vergässa han i di nid
immer wieder an di denggt
So wiit zrugg, so wiit awäg, doch vergässa han i si nid
üsari persönlich Summerziit

Wenn öppis saisch, heisst’s ruah du junga Schnutz
zerscht Leischtig bringa, denn haut ma uf da Putz
Denn wieder tönt’s, sötsch di nid so kindisch geh
i dinem Alter sött ma langsam dura gseh

I han di troffa inra Bar am halbi zwei
hegisch hüt dr Viarzigscht, doch das machisch du allai
Kai Grund zum fiira, dini Jugend sig verbii
I kann di nid verschtoh und dengga so für mi

Ref:

S’isch verbii, dia Ziit muass i nömma ha
nömma Kind und doch glich no kai Ma
Weder Fisch no Vogel, niana richtig dra
nömma Kind und doch gliich no kai Ma

Denn der Krampf mit da Fraua, alla Afang dä isch schwer
Alli hend a Fründin nu mina n’Arm isch leer
Immer i versäga, normal kan das nid si
denn dr grossi Schtress im Bett, wo söll do z’Vergnüaga si

Ref:

S’isch verbii, dia Ziit muass i nömma ha
nömma Kind und doch glich no kai Ma
Weder Fisch no Vogel, niana richtig dra
nömma Kind und doch gliich no kai Ma

Bernadett,
us Bern und sehr adrett
immer up to date, nobel und verwöhnt
schloft im Himmelbett
und zahlt für mi ganz nett
will ma sich halt susch nia öppis gönnt

Und plötzlich wird`s denn z`viel
Han d`Deggi ufem Chopf
Und ergriffa eimol meh haschtig d`Flucht
I giba zua, mit wenig Schtil, immer wieder dä alti Zopf
I bin kai Ma zum ganz lang ha, I bin kai Ma zum ganz lang ha
Wieder uf der Schtross, mit Ruggawind im Hoor

Denn no d`Waldtraud
Wo sich mit miar in Wald hätt traut
Wo im Wald traut worda isch, a Förschtersbrut
Het lang iara Fruscht g`schtaut, und mi so richtig durra g`Kaut
Völlig schlapp bin i wieder uf und ab

Und plötzlich wird`s denn z`viel
Han d`Deggi ufem Chopf
Und ergriffa eimol meh haschtig d`Flucht
I giba zua, mit wenig Schtil, immer wieder dä alti Zopf
I bin kai Ma zum ganz lang ha, I bin kai Ma zum ganz lang ha
Wieder uf der Schtross, mit Ruggawind im Hoor

Wind im Hoor, Wind im Hoor, Wind im Hoor.....
Du häsch Wind im Hoor