(Musik: May Day, Text: Zinsli)
Endlich Friitigobig, a ganzi Wucha gwartet druf
noch füf Tag im Stolla, brucht ma wieder neua Schnuuf
I säga am Chef brav adieu, froh dass na nümma gsehn
noch 'ra Wucha funktioniara, bruch i jetzt eifach meh
D'Rullo sind dunna, d'Tüüra isch zua, bis am Mäntigmorga han i mini Ruah
d'Schala in Kaschta, d'Grawatta wiit furt, tschau graua Alltag
Dahai in minra Buda, fahrts miar langsam i
Kaufhusmusik muass ussa, harta Stoff muass drii
Leder isch jetzt agsait, a T-Shirt alti Jeans
i luaga schnell in Schpiagel, glaub's fasch nid i bin's
D'Matta wird g'wäscha, gföhnet und gstyled
a richtigi Mischig zwüschat pretty und wild
an Ohraring inna, d'Schpora and Schuah,
vu miar us kann's los goh
Ref: Miar händ jetzt Bock uf Rock
Wiederamol allei
s'het eimolmeh nid klappt
endlos verliabt gsesch nümm wo's dura goht
imna Meer vo Gfühl bini kopflos umatappt
für mi hets nuno eis geh und das sind zwei
jetzt knallsch miar eifach Türa zua
und i.....
bin wieder allei
Wiederamol allei
zwüscha Fronta igsetzt als Ball
wo als Mittel zum Zweck d'Entscheidig het bigfüart
zerscht stiigt er hoch, vorem tüfa Fall
jetzt bliib i eifach zrugg wiana wiitgworfna Schtei
und i .....
bin wieder allei
I han gmeint du sigsch für mi do
genau wia i für Di
i han gmeint miar teilen d'Sorga
miar zwei und nit nu i
REF. Doch jetzt isch es z'schpot, alles isch tod
du bedütisch miar nüt meh
i kann läba ohni di
sogar besser, kasch sicher si
as tuat miar überhaupt nümm weh
A Pfahl im Herza kha,
won i di zerscht mol gseh han
du bisch für mi d'Erlösig gsi,
du hesch miar dini Wärmi geh
Jetzt sitz i do allai dahai und dengg an di
haltlos ufglöst, leer in miar
nu du
bisch sicher nid allai
Du hesch gmeint i bring diar wärmi
doch brocht han i diar nüt
I han gmeint miar bauen Strossa
Kultura zu andra Lüüt
REF. Doch jetzt isch es z'schpot, alles isch tod
Bin wieder uf dr' Gass
in da Bara bis noch Mitternacht
bin wieder frei, bin uf dr' Jagd
Völlig ohni Gfühl
schlim i mi a, was für a Ma...
REF. Doch irgendwenn i weiss, wirsch Du denn vor miar stoh
und i werda ganz plötzlich wieder zu miar kho
Du wirsch mi erlüchta, miar isch alles gliich
du und i und susch nüt meh
du und i und susch nüt meh
(Musik: May Day, Text: Zinsli)
Suacha a Parkplatz in dr' Stadt,
s'isch fascht nid möglich, han's langsam satt
I werfa Münz i, oh merga drum
drissg Minuta isch's Maximum
Bim Zahnarzt han i länger kha, gnadalos am Bohrer dra
Wo i endlich bin zum Auto cho, gsehn i döt dr' Ma mim Blöckli stoh
As git a Party, das git as Fescht
Supersound, tolli Gäscht
As isch scho Zwölfi, doch as fätzt,
niamert denggt an's hei go jetzt
A Nochbur hät sich do dra gschtört
worschinli aina wo nid gära Musik ghört
Sofort as Telefon uf da Poschta tua
sini Fründ und Helfer sorgen denn für Ruah
Ref: Hey, hey, hey, i fühla mi so frei
Hey, hey, hey, was söll dia Hetzerei
As funktioniert doch alles wunderbar
Gsetz und Paragrapha machen alles klar
Doch wehe, du bisch as bitzli näb dr' Norm
denn kömmen scho dia Herra in dr' Uniform
Ref: Hey, hey, hey, i fühla mi so frei
Hey, hey, hey, was söll dia Hetzerei
(Musik & Text: Zinsli)
Nacht am halbi zwei
alles isch müad
schlofa fasch i,
wenn simmer dahei
Ei Bühni meh
hemmer hüt gseh
lässigi Lüüt
kennaglernt hüt
Endlich stohn i vor dr' Tür
gschpüra döt scho, du bisch do
im Zimmer khör i dina Schnuf
jetzt kann i d'Müadigkeit so richtig kheia loh
REF:
Nimm mi jetzt in dina Arm
gib miar bitte as bitzli warm
Ärger am Tag
as lauft nid wias sött
immer uf trab
sött do si und döt
'Gsehn a Berg vor miar stoh
teggt mi fascht zua
wia söll's wiiter go
sehn mi noch Ruah
Doch denn kum i endlich hei
fühl mi inra andra Welt
endlich nu mit diar allei
du waisch g'nau was zellt,
was mi jetzt ufstellt
REF:
Nimm mi jetzt in dina Arm
gib miar bitte as bitzli warm
Wiana Insla im gröschta Schturm
für da Fischer , dr' lüchtend Turm
wiana Farbklecks, wenn's miar graut
as Ventil für alles, was sich in miar schtaut
REF:
Nimm mi jetzt in dina Arm
gib miar bitte as bitzli warm
(Musik: Wittwer, Text: Rohner)
Ganz am Afang schtoht as Kind
wo ganz unbeschwärt dia Wält i sini Händli nimmt
simmer würkli alli blind, keina wo a Finger krümmt
Jeda Tag do schpielt a Kind,
döt am Strossarand allei, weiss nid wo Gfohra sind,
wenn's dahai kai Liabi find, goht's uf d'Gass wo d'Liachter sind
Ref:
Wenn Kinder brüalen, verlora allei
simmer noch am Endi vu dem Schtärn
nimm dis Kind hüt in Arm und sägem ganz frei
i han di gärn
In dr' Schualbank sitzt a Kind,
voll Problem total verklemmt wo kei Lösig findt,
wo als Uswäg Droga nimmt, und sina Wäg isch scho bestimmt
Ref:
Wenn Kinder brüalen, verlora allei...
Und am Endi liit as Kind,
imna blüatawiissa Kleid, im Sarg us Rosaholz
und miar frogend noch am Sinn, kennen d'Antwort, doch sind z'schtolz
A graua Samschtig z'Züri uf dr' Limmatbrugg
zum Lenzerheidi züchtsna as hebt na nüt meh zrugg
är träumt vo hoha Berga vom schöna blaua See
und het nu ei Gedangga sis Heidi wiederz'gseh
Nochra langa Wucha im Näbel, Smog und Dregg
do het er d'Nasa volla und will jetzt nu no weg
Si isch a tolla Käfer sin Blick wird liicht beleit
gedangglich wohnt er lang scho bim Heidi uf dr' Heid
Är isch total verschossa kei Chance uf Gegawehr
uf d'Lenzerheid do züchtsna und z'warta fallt im schwer
wenn er denn sini Arma um z'Lenzerheidi leit
vo Wonna halba Bsoffa meh lallt als öppis sait
Fühlt er sich wia im Himmel wo volla Giga hängt
z'Heidi isch sin Engel wona Ewigkeit nid längt
kei Ziit meh zum schtudiara kei Blick meh für d'Natur
nu eis no intressiartna z'Lenzerheidi puur
Palma fidsch do oba khei uf dr' Lenzerheid
statt z'Meer dr' See statt Sand dr' Schnee statt Strand a Alpaweid
doch eis isch klar dass üsa Fründ kei Auga für das he
as intressiartna numma eis dass z'Heidi ihn gern het
(Musik & Text: Zinsli)
Duet mit Peter Galliard
As isch truurig, leider wohr
wo dr' Mensch isch , isch au gfohr
Wäga wenig, s'brucht gar nid viel
Liit ma sich schu in da Hoor
Eine andere Hautfarbe, eine andere Glaubensart
Ein anderes Land und schon sind Militär in fahrt
Ref:
Miar läben no
machen eu kei Sorga
miar sind no do
Wir leben noch
aber wie lang noch
wird's so mit uns weitergehn
Europa, Afrika, Amerika
jeda will sin Teil vom Kuacha ha
und dann vergisst man, was wirklich wichtig wär
beim grossen Knall, da sind wir alle dran
egal was glaubsch, Chrischtus, Buddha, Mohamed
irgend eines Tages, gehn wir gemeinsam unseren Weg
Ref.
Wir leben noch
macht euch keine Sorgen
wir sind noch da
Miar läben no
aber wia lang no
wirds so mit üs wiitergoh
Ozonloch, Regenwald; all das lässt uns kalt
dass Kinder nicht mehr atmen können, dieser Zopf ist alt
Dass dr' Summer ganz plötzlich wiana Winter isch
kehren mia ganz locker mitmna Lächla untra Tisch
Ref.
Wir leben noch
macht euch keine Sorgen
wir sind noch da
Miar läben no
aber wia lang no
wirds so mit üs wiitergoh
(Musik & Text: Wittwer)
Sit Wucha bini wieder on the Road
in der Wält mit wenig Geld
Zum Leba jo do bruchen miar nid viel
i min Hund und z'Wohnmobil
Ei Liabesnacht
het mi zum Bettler gmacht
Min Hund het Hunger und mis Wohnmobil
stoht ustrocknet wiit vom Ziel
Min Trip wird müasam, langsam echt zur Qual
min Hund teilt mit miar zletschta Pal
Ref:
Jetzt sitz i do weiss nüm wias wiiter goht
I sitz am Mittelmeer und han kei Mittel mehr
As isch nid licht, wenn'sGlück di do verloht
Ohni Mittel isch es schwer am Mittelmeer
I nimm d'Gitarra und spiela uf dr' Stross
au das nützt nüt, d'Lüt hen kei Moos
I mach uf Jeanstyp, doch das isch dr' falschi Kurs
Dia einzig womi will heisst Urs
Ei Liabesnacht ...
Ref:
So bliebt mer denn nu eis i verkaufa z'Wohnmobil
dr' Händler het mi glinggt und git nit viel
D'Moral vo dera Gschicht isch eifach, und nid obszön
Ohni Mittel isch's am Mittelmeer nid schön
(Musik & Text: Wittwer)
Wieder sona Morga
woni gar nid mag
i glaub' i bliiba
gschieder no kli liga
was söll i denn a somna Tag
I taschta mi zum Nachttisch
und schalt mis Radio a
mis Liablingsliad erklingt
dass plötzlich alles stimmt
scho bini us mim Bischama
Vo jetzt a goht's nuno berguf
im Bad lauft's miar wia gschmiart
dr' Kopf wiedermol gwällt
dr' Zopf isch perfekt gschtrählt
durch's Radio bini beschtens informiert
I fahr mit mim ferrari-
rota Velosolex
verbii an jedem Stau
dank Grischa ganz genau
im Büro isches wiana Reflex
Ref:
Ob im Neglische, in Jeans
oder Bischama
egal won i bin Grischa
muass i ha
So schaltna a
mis Radiooooo Grischaaaa
S'herscht überall guati Stimmig
Freude herrscht im Land
sind vieli sur in Filisur
machen miar a Grischa Kur
sind sofort wieder uf am alta Stand
Ref:
Ob im Neglische, in Jeans...
I und mis Radio, i und mis Radio,...
(Musik & Text: Wittwer)
Gschätzta Weltsicherheitsrot
i glauba as isch no nit z'schpot
dass i jetzt do füra stohn
und würkli aumol loslon
Zit isch riif, scho lang sehr lang
as plogt mi sehr han echt dr' Drang
jetz au mol z'säga was i mein
d'Frog isch nicht sein oder sein
So fang i a iar graua Müüs
jetzt gots los ..und tschüss
Wia stohts denn eigentlich um d'Welt
Sozialleischtiga, Job und Geld
hemmer gnuag müamer zämmarugga
wenner eu in Zuakunft drugga
Verantwortlich si heisst doch ganz klar
gnuag Mittel ha in War oder Bar
I glaub üs stoht am Hals der Dregg
so jetzt bisch du dra..und weg
I han nu wella säga, dass i das nit verschtohn
und echt kei grossa Bock han, uf alles eina lon
S'isch Ziit mini Fründa as sött üs glinga
mitanand dr' Refrain z'singa
Ref:
Hit leer sind Charts uf dera Welt
Idi du mi nu wegem Geld
Aidi, aida, Somal i jo
Mi lo sowit scho chli lo go
Vati kan i mol mit Gummi
I kum eh ni i Dummi
Wo sind dia Schofspelz mit da Wölf
wo sind d'Nochkomma vom bösa Dölf
Sie marschiaren wieder Kampfstiefel hallen
Hüser brennen Waffa knallen
Sisch nu schlecht dass niammert weiss
dass es langsam wieder wird echt heiss
I weiss nit was i dengga muass
i übergiba z'Wort zum letschta Gruass
Ref:
Hit leer sind Charts uf dera Welt...
Brüader Schwöschter liabi Gmeind
fallten d'Hend wenn d'Erda weint
Knülen hera wenn's um Eu wüatet
denn miar hen bis hüt no nüd verhüatet
Immer do kön uf üs zella
Geld izahla, kei Froga stella
Frau an Herd, Ma an d'Macht
wichtig isch kei Gummi in dr' Nacht
Ref:
Hit leer sind Charts uf dera Welt
(Musik: May Day, Text: Zinsli)
Hesch schu khört, dia Story isch ganz neu
är sig siner Frau, siit Wucha nümma treu
Skandal, hellwach
ob wohr, Näbasach
Ref:
Jo uf da Strossa, gits heissi News
muasch nu guat losa, denn kunsch au druus
au in da Baiza wird über di gred
usser du sitzisch selber döt
Ob nid rassiart, ob langi Hoor
wirsch dura gnoh, do isch khei Gfohr
egal was bisch, egal was saisch
es git immer öpper wo nid alles, aber alles besser weiss
Viel tüüri Reisa, as Auto, as Huus
wia will dä das zahla, khunsch du öppa druus
Ref:
Jo uf da Strossa, gits heissi News
muasch nu guat losa, denn kunsch au druus
Und gosch du denn no z'schpot ins Näscht
bisch du au gära ammna Fäscht
und trinksch denn nid nu Mineral
denn goht's am andra Morga los, as isch schu fascht brutal
I tengga öppa no für mi
as könt scho alles eifach si
lönd anand doch meh in Ruah
wenn miar ehrlich sind, hät jeda mit sich sälber z'tua
(Musik: May Day, Text: Wittwer)
Ma holzt dr' Regawald
überzoga vor Idee
dass es nu so halt
söll weniger Räga geh
D`Zuakunft heisst Atom
das wüssen miar genau
nu brucht halt niammert Strom
noch am Super-GAU
Z`Guata isch miar könd us Fehler lerna
und suachen fiaberhaft noch neua Sterna
As Kind sich z`Läba nimmt
miar drängens weg, ganz wiit
sind trurig, jo das stimmt
aber hen halt gär kei Ziit
Alles muass hüt schneller si
nu keina weiss genau wohi
Dass isch en Fehler gsi
dass gsehn miar hüt au würkli i
Zu all dem wo in letschter Ziit isch gscheh
möchten miar wia folgt Stellig neh
Ref:
Tschuldigung, Tschuldigung
sorry, us Fehler wird ma schlau
Tschuldigung, Tschuldigung
jeda macht mol öppis falsch genau
Dr' Abfall ghört ins Meer
ganz eifach und banal
doch z'Meer wird langsam leer
wer dr' Wahl hät dä hät Qual
Jo das isch au en Fehler gsi
dr' Letschti denn jetzt isch es halt verbii
Ref:
Tschuldigung, Tschuldigung
sorry, us Fehler wird ma schlau
Tschuldigung, Tschuldigung
jeda macht mol öppis falsch genau
(Musik: May Day, Text: Zinsli)
I sitza immna Baizli, vormna Glässli Wii
gnüssa d'Sunnastrahla, dengg miar nüt dr'bii
Do lauft si vor miar dura, wia ussmna haissa Traum
i riib miar nuno d'Auga, i glaubas würkli kaum
I laufa wia ferngschtürat hinter dära Dama her
doch dr' Kellner rüaft miar, dass no öppis z'zahla wär
Oh mach doch endlich vorwärts, wo bliibt mis Ussageld
kann dä miar nid agseh, jedi Sekunda zellt
Ref:
Ab denna Schiina kum i fasch z'schpinna
sött verbota si
denn no dä Gang, weckt in miar dä Drang
sött verbota si
iari Auga, as isch fasch nid zum glauba
sött verbota si
luag doch dia Forma, vo hina und vo vorna
sött verbota si
Was söll i nu dr'gäga tua, si bringt mi um da Verschtand
as isch verbii mit minra Ruah, bin usser Rand und Band
Ref:
Ab denna Schiina kum i fasch z'schpinna
sött verbota si
denn no dä Gang, weckt in miar dä Drang
sött verbota si
iari Auga, as isch fasch nid zum glauba
sött verbota si
luag doch dia Forma, vo hina und vo vorna
sött verbota si
(Musik: Wittwer, Text: Renggli)
Obig halbi achti, bin uf dr' Gass voll uf droht
denn hektisch über d'Stross, i glauba i bin z'spot
'Versuach sie no z'verwütscha, was bliibt isch iras Trinkgeld
still leg i mis dazua, und ertränka mini truurig klini Wält
han immer glaubt, das was zellt, isch nur das wo miar fählt
Jo guat so wiit nid allzu schlimm, i han sie gar nid wella
und überhaupt, sie isch zweiti Wahl, werd i da Fründ verzella
Sie hät glaubt, sie könn mi brenna, mi verwünscha in as Fägfüür
unerbitterlich hart im neh, han angscht, ma könnt mer z'tüüf ins Innra gseh
unverkäuflich, heldahaft kämpf i mi durch dia Nacht
Ref:
zmitzt i dr' Nacht
do han i sie zletscht mol gseh
zmitzt i dr' Nacht
und denn niana meh
Am andra Morga liid i, Gin und Bluat in miar
Bäum wachsen nid in Himmel, au nid wenn's güssisch wia as Tiar
gmacht bisch nur us Fleisch und Bluat, au wenn i's no nia probiart han...
z'Läba spielt doch nid ohni di
i häng ganz eifach z'tüüf in dina Seil
chancalos, das was bliibt isch doch nur no min Teil
Ref:
zmitzt i dr' Nacht
© by may-day.ch Powered by goegg-art.ch 2020