Morgarot

I liaba z’gseh wia d’Natur erwacht wenn dr Früalig kunnt
I liaba z’gseh wia d’Täg länger werden und d’Felder bunt
I liaba z’gseh wia d’Sunna glüat am Horizont
I liaba z’gseh wia sich z’Laub verfärbt wenn dr Herbscht denn kunnt
Doch wenn i di gsehn mit däm Tüpp dur d’Schtadt go Hand in Hand
Denn wünsch i miar i wär blind wenn i di gsehn do mit dim neua Fründ

Gar nüt goht meh, as tuat mer immer no so weh,

z’Tagesliacht magi nümma gseh

I wünscha miar, i wär blind wenn i di gsehn,

do mit dim neua Fründ

I liaba z’gseh dis langa Hoor im Sunnaschii
I liaba z’gseh dini tüüfa Auga dini Hut so fiin
I liaba z’gseh wenn du näba miar im Bett ufwachsch
I liaba z’gseh wia d’Sunna ufgoht wenn du lachsch

Gar nüt goht meh....

Wohära gömmer, kasch miar das säga
Wo bliibt dr Sinn, vo üsam Läba

I schpringa im Kreis und kanns keinem säga
Schtohn scho wider mit beida Füass im Räga
Und i han gmeint, das könn miar nit passiara
Am Morga fangts schu a i mag mi nit amol rasiara

Bin fruschtriart und suacha noch am Sinn
Warum i trotzdem uf dera Welt do bin

Tüüf in miar dinna kumi fascht z’schpinna
As muass ussa us miar susch werd i zum a Tiar
I brucha Selbschtkontrolla susch bildet sich an Knolla
Do hilft kei Droga oder Pilla i muass dä Fruscht jetzt eifach schtilla

Bin fruschtriart und suacha noch am Sinn
Warum i trotzdem uf dera Welt do bin

…………..

Du häsch gmeint as gängi nur um di
Und häsch gmeint as müassi besser si
Du häsch gmeint, du kriagisch alles hi
Doch du weisch jetzt as wird nia so si

Dräh di um das goht jetzt würkli zwit
Muat isch gfrogt an eigni Meinig ha
Blib nit schtumm und red doch endlich mit
D’Welt dräht witer drum blib nit schtoh

Wenn, gsesch du das endlich i
As brucht alli, di und mi
Wenn, gsesch du as isch verbi
Alles kann nit, eifach si

Du häsch gmeint sie schtänden hinter diar
Doch denn frogsch di plötzlich - WÄR?

Wehr di jetzt nit alles gelta loh
Schwimma und nit untergoh
Kämpfa denn wenn’s wichtig isch
Und schwiga wenn nit sicher bisch

Wenn….

Du häsch gmeint as gängi nur um di
Und häsch gmeint as müassi besser si
Du häsch gmeint, du kriagisch alles hi
Doch du weisch as wird nia so si

Wenn….