Uftaut

zischtig am halbi Zwölfi dr Stammtisch isch no voll
D' Lüt sind hüt in Schtimmig i finda das so toll
Dr Sepp isch in schtimmig i finda das so toll
Dr Sepp isch an liaba D' Jaennette so adrett
I wüssti was i söt. Aber i wais nid was i wet


Ref:
I sött jetzt go
Jo i sött jetzt aber go
Aber i weiss genau
In zwei schtund sitza i no do


Dsischtig halbi eins Und i hetti an Termin
Bim Zahnarzt in dr Stadt. Da chund miar grad in Sinn
Dr Fritz bschtellt no a rundi D' Kresenza said nid nai
Alli händ dr plausch Nu i, i söti hai


Ref:
I sött jetzt go
Jo i sött jetzt aber go
Aber i weiss genau
In zwei schtund sitza i no do


Ds' Problem wird miar jetzt abgnoh
Dr Tschugger schtoht scho do
I chan jetzt nur no zahla Oder endlich go
I säga allna: "Peace" Nu no ds' Tschööpli muass i ne
Do lallt dr Sepp: "a Rundi"
Und scho isch es um mi gscheh


Ref:
I sött jetzt go
Jo i sött jetzt aber go
Aber i weiss genau
In zwei schtund sitza i no do

Han gmeint i heg si hinter miar, dia schtrubi Ziit und so
ds'gfühl i könni ds' Läba voll verschtoh
Glächlat über anderi, wo dia grossa Püffer hen
Wo schtressen und kai Ahnig hen, wias lauft

Do plötzlich knallsch du ihna, wia na blitz in a alta Baum
Bin i wach, isch alles nur en Traum
Z'ganz normala Tengga isch für mi an echti Qual
Han z Gfühl du lässisch miar kai anderi Wahl

Refrain:

Am Tag do chönt i schlofa, in dr Nacht lig i denn wach
Wiis isch plötzlich rot, us schtark wird schwach
Chönnt brüala oder lacha, han as duranand in miar
I will diar endlich säga, alles isch nur wäga diar.
_______________
I laufa ziellos numma, won i bin kai Ahnig meh nu mit am
Ziel, di villicht z'gseh
I wais nid söll i schraia, mi verchrücha in as Egg.
Du bisch so noch, und trotzdem wiit awägg

Refrain:

Am Tag do chönt i schlofa, in dr Nacht lig i denn wach
Wiis isch plötzlich rot, us schtark wird schwach
Chönnt brüala oder lacha, han as duranand in miar
I will diar endlich säga, alles isch nur wäga diar.
________________

Do hilft jetzt weder Forschig, no a Wundermedizin
I gschpüra halt, wia chli miar Menscha sind.
Und glich isch as beruhigend, miar wo so viel Technik hen
Gfühl dia machend mit üs, was sie wänd.

Refrain:

Am Tag do chönt i schlofa, in dr Nacht lig i denn wach
Wiis isch plötzlich rot, us schtark wird schwach
Chönnt brüala oder lacha, han as duranand in miar
I will diar endlich säga, alles isch nur wäga diar.

Dia Junga chönd nid schaffa, dia händ kai Ahnig meh
Dia hätten vor fufzig Johr üs chrampfa sölla gseh
Hüt fahrens s tolla Schlitta, hend a hufa Geld
Wüssend nid was Not isch, was isch das für a Welt

Weisch no döt im Aktivdianscht, das sind no ziita gsi
Aimol ir Wucha Butter, villicht as Gläsli Wii
Jeda Tag in d' Kircha, am Obig früah ins Bett
Hüt herrscht nu dr Überfluss, jo d' Johra sind halt fett

Ref.:
Verzell miar nüt vo früaner, das interessiart mi nit
S' hätt immer scho Problem geh, ob geschter oder hüt
I läba jetzt, jetzt, jetzt....in minara Ziit

An anders mol verzellan's wias doch no schön gsi isch
jeda hät ma kennt, alli Lüt am runda Tisch
I chumma nümma drus, isch's guat oder schlechter gsi
I waiss I läba jetzt, lön Vergangaheit doch sii

Ref.:
Verzell miar nüt vo früaner, das interessiart mi nit
S' hätt immer scho Problem geh, ob geschter oder hüt
I läba jetzt, jetzt, jetzt....in minara Ziit

As isch so na Sach mit am Rock' n Roll
miar hen das würkli sälber gseh
Machsch du dis Ding wo diar sälber gfallt
oder wetsch uf andri Rücksicht neh
Vu da Dirr Staits bis zu da Status Quo
laufts halt hüt nu no aso
D' Induschtrie sait wos dura got

I froga di, ob du würkli alles schnallsch
Gsesch du genau was isch richtig oder falsch

A hufa Liacht, a Risaschau nu so bisch du au drbi
Digital und Midisounds und du schtosch chli mittadri

I froga di, ob du würkli alles schnallsch
Gsesch du genau was isch richtig was isch falsch


Ref:
Ohoooh, willkomma zu dr grossa Schau
Ohoooh, willkomma goldig inna grau
Wichtig isch doch numma das as chracht
Uf' s Herz vur Musig git hüt niamert acht


Dr Hansli schpielt Gitarra, singa chan är au
und beides nid amol so schlächt
Er träumt scho sit Johra, er wär a grossa Schtar
Im Musikbiss an heissa hächt
Noch johrelangem üaba git är as Konzert
Wogt sich endlich us uf d' schtross
D' Lüt dia sägen lächelnd: Schpiela jo das chan är
Doch Interesiart das niamert gross


Ref:
Keep on rock'n me Hansli


D' Mänätscher wend Skandäli mit schöna Boys and Girls
Das git an totalla Pressetanz
Musig schön und ehrlich wia dia vu üserem Hansli
Interesiart doch hüt kai schwanz
Dr Hansli sitzt jetzt Schtunda im tunggla Schtudio
Schpielt für anderi Lüt dr Blues
Im Blitzliacht schtönd denn anderi wo zwor nid schpiela chönd
Dafür gsehn dia viel besser us

Ref:
Keep on rock'n me Hansli

Luaged scho vo Berg und Tal
flücht dr letschti Sunnastrahl
luaged doch uf d'Aua und Mattwachsen au dia tungla Schatta
D'Sunna uf da Bärga schtoht
oh wia sind dia Gletscher so tot
Luegend aba, an farbiga See
as hät dri kai Fischli meh
Ds' Feh waidet an dr Autobahn
d'Glogga tönend noch Rinderwahn
Chuaglüüt isch üseri Luscht
tuat üs wohl in üsara Bruscht.

Luaged au vu Berg und Tal
flücht dr letschti Sunnaschrahl
Gott sei dank si unergoht
ds' Ozon macht üs scho d' Auga rot
D' Wanderer hend dr Walk-man a
d'Natur kasch uf Kassetta ha
Lueged Küah, isch das nit toll
kräftig baut und Utter voll
Doch meh Milch, das liit no drii
fahrt amol Gen-Forschig i
Jo ma isch scho glücklich dra
wenn ma sogsund läba cha

Ref.:
Jo vu da Berga kömend miar
Ufgwachsa zwüschet Heu und Biar
Männer gmacht us Milch und Bluat
Z' Läba uf am Land tuat üs halt guat

In da Bärga wird's jetzt Nacht
aber sicher, dr Herrgott dä wacht
Gsehn iar döt, das Schtärnli schiina
z' wüschet am Rauch aSchii a fina
Gsehn iar im Nebel, dötta schtots
Schtärnli, Schternli säg miar: wia goht's
Losend as said; nid bsundert guat
doch dr Vatter hät mi in dr Huat
Machen eu kai Sorga, bliiben cool
sälber dengga macht nu fuul
Irgend as wia wirds wiiter go
und sus isch jo au dr Herrgott no do

Ref.:
Jo vu da Berga kömend miar
Ufgwachsa zwüschet Heu und Biar
Männer gmacht us Milch und Bluat
Z' Läba uf am Land tuat üs halt guat

Du saisch, dis Amt seg geh vo Gott
Niamert hegi a grösserers Rächt
Vo hüt a müassen miar wieder alles macha
Wörtlich wias in da Büacher gschriiba schtot
Für d' Fraua gäbis ab hüt nüd meh z'l acha
Üseri Chircha seg in grosser Not

Du saisch, hinter diar schtänd dr Papscht
Und alles, was dä sägi gilt als Gsetz
Dr Hirt tegid' Schoof gega alli Gfohr bewacha
Schtänd na zur siita mit sinem guata Rot
Doch hüt hät dr bösi Wolf wieder guat lacha
Sit är in Chur im Hirtahüsli wohnt

Ref:

Morn wirds anderscht Häsch du geschter gsait
Alles wird besser. So hesch Du üs gleit

I mein, as wäri langsam Ziit (Lupus Domini)
Dia schtura, verchrampfta Forma müand awägg
D? Schoof müand wieder zu echta Menscha werda
Wo d' Wolfschpura sälber gsehn im hocha Gras
A selbschtkritisch un a verantwortigsvolli Härda
Au wenns Ihna das nid passa söt, Herr Haas

Ref:

Morn wirds anderscht Häsch du geschter gsait
Alles wird besser. So hesch Du üs gleit

I will allai si, han i di letscht Ziit immer g' ghört
Dass i diar z'viel bin, und was di alles an miar schtört
Das chasch mit miar nid macha, das wird miar langsam z'blöd
Jetzt han i würggli gnuag vo diar
Susch pack doch dini Sacha, bevor's diar d'Nerva töt
Und hau doch endlich ab zu diar
Du bisch denn ganga, und as isch schtill in minam Huus
I lon mi hänga, und bruch fürz'schtriita kai meh pfuus
Alles isch so schtilla, alles schmeckt noch diar
I mergga, alles rüaft nu di
Das han i doch nid wella, as liit doch nid an miar
Doch i chan ohni di nid si

Ref.;
Denn ohni di, isch's unerträglich
Jo i brucha di, brucha di so unsäglich

Ichuma z' schpinna, han scho siit Tag kai klara Kopf
Gsehn Ziit verünna, und chummer vor al arma Tropf
Jetzt griffa i zum Hörer, schtell dini Nummara i
Und zittara am ganza Liib
Zehnmol lon i lüta, zella jeda Ton
denn schraii ins Mikrofon

Ref.;
Denn ohni di, isch's unerträglich
Jo i brucha di, brucha di so unsäglich

Dr Hansli nüslat umma im Papa sim Büro
Do findet er ganz plötzlich as Päckli Marlboro
Er luaged das Päckli a und findat das so nett
Und wais au scho genau was aä mit dena Zigi wet

Ref.;
Raucha hinterem Schualhuus,
Raucha hinterem Schualhuus
Jeda fühlt sich mies
Gsichter werden wies
Doch raucha hinterem Schualhuus
isch an alta Buababruch

Si schtingt ihm würggli gwaltig, dia schiiss Geometrie
Er denggt an öppis anders und isch nid recht drbi
As git aber no eis wo ihn scho fröhlich schtimmt
Wenn är denn in dr Pausa sis Päckli füra nimmt

Ref.;
Raucha hinterem.....

Dr Lehrer dreht a Rundi, will wüssa was so got
D' Schüaler gsehn na leider zwei sekunda z' schpot
Er sait na Meinig, got derbi nid z' wiit
Mit m' na Lächla uf da Zähn, denggt'r an sini Jugendziit

Ref.;
Raucha hinterem Schualhuus,
Raucha hinterem Schualhuus
Jeda fühlt sich mies
Gsichter werden wies
Doch raucha hinterem Schualhuus
isch an alta Buababruch

Schteets in Truura muass i läba,
säg mi was han is verschuldt
Das mi schatz isch unträu worda
muas i' s liida mit Geduld

D bisch miar zwar us mina Augu
aber nid us minem Sinn
Du hetsch miar ruhig chönna glauba,
das i treu gewesa bin

Rächti liabi brennt haiss
O wia wohl isch's ainem Menscha
wo nid waiss was liabi haisst

Schpielet uf iar Musikanta,
schpilet uf das Saitäschpiel
minem Schätzli zu gefalla,
mögs verdriassa, wän as will

bis dia bärga sich tüan biega
und dia hügla senken sich
bis dia Palma trägen Fiiga
so lang will i liaba di

Bis dia Mühlschtai trägen räba
und drus flüsd gar süassa Wii
Bis dr Tod miar nimmt das läba
so lang söllsch du bliiba mi

Waisch no döt im 89 Ufbruch überall
D'schtimmig toll, hoffnigvoll, frida im Überschall
"Wind of Change" isch d'Meinig gsi, Muura khaien i
Zemma go, nöcher cho, alli sind dr bi

Oh wia hämmerüs doch gfreut, jeda du und ih
dass endlich alles besser wird, as chönnt dr Afang si

Oscht und Wescht sind zäma cho, grenza offa gsi
Lüt umarmen sich schpontan, als würdens Brüader si
Rock in Moskau, Fescht in Prag, Bluama uf dr Schtoss
Vernunft schient endlich Sieger z'si, Hoffniga so gross

Oh wia hämmerüs doch gfreut, jeda du und ih
dass endlich alles besser wird, as chönnt dr Afang si


Ref:
Das es wieder uftaut, das es wieder hihaut
Für das machenmiar de lärm.
Wieder zämma heba, zäma läba
Für a friedlichs läba uf dem Stärn

Doch denn hät dr Mensch dr Mensch igholt
Eufori verbi. In Frida z'läba, so schön's au wär
schint nid menschlich z'si
Sie halten fescht an ihrer Macht, dia fetta Funktionär
Nu grossi Wort, verschprechiga, doch Tata, dia sind lär

I wais, du wirsch jetzt säga, allai nütz i nid viel
Doch mit a hufa Einzalna, chömmer au ans Ziel

Ref:
Das es wieder uftaut