As goht miar guat (Musig: Zinsli / Text: Zinsli)
Wider so na Tag, mit miar nüt los,
alles lauft dr'näbbat, nüt isch hüt a so wia's muass.
Fühl mi so nit z'frida, nu Selbschtmitlaid,
Vu allna bschissa, alles got miar z'witt.
Am Liabschta alles härawärfa, Türa schletza zua,
Dr Tschopp ufgeh, verreisa, alles do verloh,
Z'khurz kho, unverschtanda, vu allna nu usgnoh,
khans nid verschtoh, khans nid verschtoh
Doch denn schalt I dr Fernseh a, schlohn Tagesziitig off
Und gsehn, as got miar guat, as goht miar guat,
As goht miar würklich guat.
I gsehn was andri Lüüt so liiden, wia khli mini Sorga sin
Säga miar as goht - as got miar guat,
As got miar würklich guat.
Erscht no mit diar gredet, jetz bisch du tot,
A gemeini Krankheit, mein Gott, wia schnell das goht,
Nu schnell go poschta, z'Auto gnoh,
Schluss. Punkt. Amen. Eifach nümma do.
Immer fescht am Schaffa, und trotzdem Wörkingpoor,
Döt wo d'Ämter helfa khönnten, bliebens aifach stuur,
Uf d'Welt, gär nid luaga, Terror, Kriag und Not,
Wia lang's no goht, Wia lang's no goht
Doch denn schalt I dr Fernseh a, schlohn Tagesziitig off
Und gsehn, as got miar guat, as goht miar guat,
As goht miar würklich guat.
I gsehn was andari Lüüt so liiden,
wia khli mini Soraga sind
Säga miar as goht - as got miar guat,
As got miar würklich guat.
Calanda (Musig: Zinsli, Dobbelaere / Text: Walther)
Han dia halbi Welt scho gseh
Vilicht au a bitz meh
Ds Fernweh hät mi oft scho paggt
Doch i muass di wieder gseh
Zaigsch miar wenn dr Winter khunnt
schneebedeggta Zenit
Würsch als erschts vo dr Sunna küsst
Dr Morga isch nümma wiit
Mächtigi Brögga us Fels und Schtai
Dött wo du in Himmel ragsch,
Dött bin au i dahai
Goht's miar amol nid wias sött
Suachi Troscht bi diar
En Khraftort wias kai zwaita git
Dank diar finda i zu miar
Dis dosii isch unendlich
Mini Täg sin zellt
Wenn i denn amol muass go
Wird mini Äscha über diar verschtreut
Sött i nomol gebora werda
Fallt miar d'Wahl nid schweer
I khumm als Staibock zrugg uf d'Erda
Und lon miars guat go bi diar
Mächtigi Brögga us Fels und Schtai
Dött wo du in Himmel ragsch,
Dött bin au i dahai
Mächtigi Brögga us Fels und Schtai
Dött wo du in Himmel ragsch – heyey !
Do und jetzt (Musig: Dobbelaere / Text: Graf)
In dina Gassa
mengmol lut mengmol schtill
wenn i di aluaga
gsehn i genau das was i will
Dini Höcha, dini Täler
jo din Horizont
will nit si ohni di
I will di schpüra
dia guata Gfühl mit diar
und all dia schöna Bilder
ganz fescht heba be miar
I dem Moment
du min Mittelpunkt vor Erda
dini Wegwiiser
füaren mi us mim Labyrinth
Bisch mis Gold am
Endi vom Rägaboga
will nit si ohni di
Alles glänzt
Du strahlsch für mi
I will nit si ohni di
I wünscha miar, dass d'Uhr jetz schtoh bliibt
Genau do und jetzt
Ziit zum, dä Moment iirahma
Genau do und jetzt
Du bisch, was du bisch (Musig: Dobbelaere, Zinsli / Text: Graf)
Hogg do zu miar
und loos miar bitte zua
z'Guati khunt
und z'Guati mengmol goht
Nimm diar Ziit
gnüssa dia schöna Moment
Mengmol as geh,
doch mengmol au as neh
Lächla di a,
leg min Arm um dini Schultra
I fühla mi wohl, so richtig wohl
Das du bisch was du bisch
möcht diar dangga säga
für alles was du miar gisch
Viil Wärmi, viil Lacha, viil Läba und no meh
dangga viilmol, dass es di für mi törf geh
S'git Hürda im Läba,
schiinen teils so unsägbar hoch
Gschichta wo präägen - Narba hinterlön
heb di denn fescht, an dem wo diar guat tuat
I will doch nur, dass du z'frida bisch
Leg min Arm um dini Schultra
I fühla mi wohl, ganz fescht wohl
Das du bisch was du bisch
möcht diar dangga säga
für alles was du miar gisch
Viil Wärmi, viil Lacha, viil Läba und no meh
dangga viilmol, dass es di für mi törf geh...!
Furt (Musig: Dobbelaere, Zinsli, Walther / Text: Walther)
Ds Meer han i scho lang nümma gseh
Bevor är khunt - dr erschti Schnee, furt, i bin furt
Ei Tag meh go schaffa, das khans doch nid si
Zugvögel züchen, hoch an miar verbi
Schriba diar a Kharta, vilicht khunts miar in Sinn
Muasch nid uf mi warta, i bin döt woni bin
Pagga mini Sacha, lon sus alles schtoh
Schlüsselbund und Auto, Bilder sowiso
Sicher luagt si tumm, d'Khatz vo Easyjet
Wenn si mi denn froget, won i hära wett
Ohni grossi Wort, lacha i si a
Bitte 1. Klass, da Schwalba no !
I bin wäg i bin furt i bin nümma do
Ds Fernweh lot mi nümma goh
A frischa Wind weht miar ins Gsicht
Eina wo Freiheit miar verspricht
Güssisch miar den d'Bluama, tengg doch bitte dra
Luag miar guat zum Kater, dä häsch eh liaber kha
Z'ainziga wo zruggblibt, sicher - ganz bestimmt
Sind dia schöna Zitta, wo üs niammert nimmt
I bin wäg !
I bin furt !
I bin wäg i bin furt i bin nümma do !
I heba ab (Musig: Dobbelaere / Text: Graf )
Fahrsch mit am tüüra Kharra drhär
Im erschta Moment fühl i mi so leer
Bem Gang um ds Auto khum i druuf
Dr Khläber vo Europe-Car löst z'Rätsel uuf
Khauffa hüt und zahla irgendwenn
Bschtella jetzt und d'Rechnig khunt
im nöchschta Johr denn
D'Verlockig isch no nia grösser gsi
Bruchsch fascht khai Khohla,
bisch aber gliich derbii
Fädra schmüggen mi
schöön farbig, so bunt
jo genau so lang
bis dr Kuckuck den khunnt
... oh fang mi doch !
I flüg los, I heba ab
gsehn mini khlini Welt ganz knapp
Jo was isch denn los, i heba ab
gsehn mini khlini Welt ganz knapp
Mach is richtig ? (Musig: Tönz, Zinsli, Dobbelaere / Text: Graf)
Du luagsch mi a mit grossa Auga
Springsch miar in d'Arma wenn i,
zur Huustür inna khum
Dis strahlend Lacha, direkt vom Herz, so frisch
bisch mini Tankstell, as söt so bliiba,
wias hüt isch
Werd immer für di do si
und d'Türa immer offa
au nochma grossa Sturm
Mach is richtig ? - Wünsch miar dass es so isch
Mach is richtig ? - Jungi Träum schmeggen frisch
Mach is richtig ? - S'git kai Regla dafür
I mach's richtig ! - Sait miar mis Gfüühl
Luaga diar zua bem spiila mit anderna Khind
as goht so schnell und du bisch plötzlich
grösser als i
ob alli mini Rootschläg,
s'Ziel erraichen weiss i nid
han miar immer müah geh,
a guats Vorbild für di z'si
Doch d'Engel und Tüüfali reden duranand
kai Schoos, nümmsch halt beidi an der Hand
nid Scharz oder Wiis
kai passanda Vergliich
Gedanka, ob arm oder riiich !
Miar wüssten's jo (Musig: Zinsli, Dobbelaere / Text: Zinsli)
Pass im Usgang uf hüt Obet,
hät mini Muater immer g'sait.
Heb' diar Gott vor Auga und mach miar jo kai Saich.
Miar wüssten's jo, miar wüssten's jo,
aber miar machen's nit.
Höra mit am Raucha, Alkohol mit Mass.
Nit zviil Süasses essa, ligg nit ins nassa Gras
Miar wüssten's jo, miar wüssten's jo,
aber miar machen's nit.
Ooooohh - miar sin nu Menscha,
völlig überschätzt, finden üs guat,
Nömmen üüs - viil z'wichtig,
wenn miar's merggen, isch as maischtens z'schpot.
Nid über andri reda, wenn's nid do sind,
denn erscht recht,
möglichscht viel schloofa, wenn's got im eigna Bett.
Miar wüssten's jo, miar wüssten's jo,
aber miar machen's nit.
Kai Vorurteil, uf andri loosa, a aigni Meinig ha
alli gliich behandla, das isch doch allna klar
Miar wüssten's jo, miar wüssten's jo,
aber miar machen's nid.
New Orleans (Musig: Dobbelaere / Text: Walther)
I stohn grad in minara Schtuba, vor am Platta Regal
Wideramol am Blues uf da Färsa - I han kai anderi Wahl
Züana mini Auga - d'Nodla setzt a
Dia erschta Tön erklingen, scho bin i weg vo do
Ds Rächt das muasch diar verdiana,
wetsch dr Blues verschtoh,
Seit sie lieslig zuamer, won i mit em Drink bin kho
Denn isch sie ab uf d'Bühni, zur Bänd wo döt grad schpielt
Klemmt sich hinder z'Mikrofon, und het los glait wia wild
New Orleans – Louisiana
Nashville – Tennessee
Austin – Texas das sin Flägga, wo i jetz grad wett si
New Orleans – Louisiana
Nashville – Tennessee
Austin – Texas - i wetti, du wärsch au derbi
Sie singt sich d'Seel vom Liib, das vergässa i nia meh
Dia tüffa schwarza Auga, wett i nomol gseh
So Moment dia bliben, i zerr' no hüt dervo
Han d'Seel am Blues verschriba, und werda bald scho goh
«White Horse» in Nashville
Memphis «B.B. King’s»
«Preservation Hall» on Bourbon
Chömen Jungs, dött swingts
Nümma do (Musig: Zinsli / Text: Rohner)
S'hät alli troffa wiana Schlag,
us heitrem Himmel isch es kho
As seg für di dr richtig Tag,
du hegisch aifach wella go...
As git ganz sicher tuusig Gründ,
au wenn is no nid glauba khan
Für mi blibsch du aifach min Fründ,
und i waiss was i an diar kha han...
Bisch immer positiv druflos,
begaischtret und gliich wiana Fels
Isch öppa au dr Tüüfel loos,
so hesch du immer gsait: «was söll's»
Loyal, graaduus, a faina Mensch,
und immer für üs alli do,
Doch grad wenn d’mainsch dä Typ dä kennsch,
loot er üs aifach sprochloos schtoh
S'wird dunggel, s'wird langsam still
S'giit a soviil was i diar no sääga will
I han's verpasst, han kai Ziit kha
Und jetz isch z'schpoht, du bisch nümma do !
Mach's guat und dangga füar dia Ziit,
wo du üs gschenggt häsch, kai Wäg z'wiit
Für jedes Lacha, für jedi Stund,
für aifach z'do si ohni bsundra Grund
Für dis Läba, dini Art und dina Muat,
i dangga diar min Fründ mach's guat !
Für da Danni, eifach a guata Fründ
Für ds Evi, immer in minem Herz
Rebell a. D. (Musig: Zinsli, Dobbelaere / Text: Zinsli)
Scho ir Primarschual, häsch du langs Hoor kha
Das isch denn damals öppis gsi.
Dia erschta Tschins mit Löcher, scho a bitz Gitarra gspielt
Genau a so - han I wella sii.
Folga häsch nia wella, Autorität a Gruus
Du wüssisch sälber wia z'Schpiil lauft.
Möglichscht schnell awägg vu do, du halitschs nümma us
Dini Seel, werdi nia verkauft.
Jetz han i di gseh, an dr Klassazemmakunft
und I trau mina Auga nit...
Was isch us diar worda ? Was isch mit diar gscheh ?
Wo sind denn dini alta Wert ?
Zmittzt dinna im Buissness - Geld isch was wetsch gseh
Was für a Entüschig - Du bisch dr klassisch Rebell
Rebell a. D.
Dahai gsehn i dini Kharta, gschickt us dr ganza Welt
Wo schribsch, wia guat dia Freihait tuat...
Du khönnisch nid begriifa, wia ma läba khann wia i
Und i fühli mi sogär no guat.
Jetz han i di gseh, an dr Klassazemmakunft
und I trau mina Auga nit...
Was isch us diar worda ? Was isch mit diar gscheh ?
Wo sind denn dini alta Wert ?
Zmittzt dinna im Buissness - Geld isch was wetsch gseh
Was für a Entüschig - Du bisch dr klassisch Rebell
Rebell a. D.
Wechseljohr Blues (Musig: Dobbelaere, Rohner, Zinsli / Text: Rohner)
Wenn I dur t'Schtrossa schlendara,
khunnt miar so viel in Sinn,
Was miar zwei henn wella verändara,
wo miar no khli gsi sin.
I tengga zrugg an d'Schualzit mit diar in dr glicha Bank,
An da Lehrer wo üs Schtroffa git, an üsara Tatadrang
I wett nomol so jung si, so läbig und unbeschwert,
Mit diar nomol Pirat si, mit Boga und holzigem Schwert.
Im Winter go schlittla durch Gassa,
im Summer go bada an See.
Mit anderna Khindr gschpassa, vo allem diar d'Hälfti geh
... diar d'Hälfti geh
As blibt miar nüt als d'Erinnerig, an üsari schöni Zit.
Uf minara schteta Wanderig, wo miar niamert öppis git.
Teila isch hüt nümma in, das weiss doch scho jeda Maa,
Miar gsehn erscht wenn miar älter sin,
was miar annanand henn kha.
... annanand henn kha.
I treff di öppamol in dr Baiz, doch denn henn miar kai Zit.
Tuusig andri Sacha henn meh Reiz
und d'Jugendtäg sind wit.
As hett mi öppamol truurig gmacht,
dass miar das alles nümma henn.
Was üsri Fründschaft üs hät brocht uff am Heu im grossa
Tenn.
... grossa Tenn.
© by may-day.ch Powered by goegg-art.ch 2020