Musik: Rohner, Text: Rohner
Wenn i am Obet durch Gassa gohn,
in Gedanka versungga und schtill
und mi frog, was würd ächt alles no cho,
und nid rächt wais, was i überhaupt will.
Denn khömen d' Erinneriga tüüf us minara Seel,
vor mina Auga gsehn i dis Bild,
und denn mergg i, wia sehr du miar fehlsch,
und dass i kai anderi will.
Allai uf dära Welt, was will i ohni di,
wär git miar jetzt dä Haltwoni druf agwisa bin.
Allai uf dära Welt, was will i ohni di,
wär git miar jetzt der Halt,
woni druf agwisa bin.
Miar sind dini Gründ no hüt nid ganz klar
warum hen sich üseri Weg a so trennt
Aber Sehnsucht noch diar,
bitte glaub mer, as isch wohr,
wina Füür, in minam Herz brennt.
Musik: Wittwer Tobias, Text: Wittwer
Wenn miar zwei ama Schtrand schtönn
Und finden eigentlich wärs schön
Schtellemer fescht dass mer üs fröien
wemmer wider heiwärts gönn
Hai in Berga, Hai ins Bündnerland
Mit am Herz und mitem Verschtand
Je meh i dra denkaund min Kopf senka
Desto weniger gfallts mer do
Denn sehr schnell züchts mi retour....
Hai in mini Welt....
wo Glogga schwingen wenn Mädels
schpringen het dr Ursli miar verzellt....
Wo Manna verglicha mit Tanna...kräftig
gross und tschennt...wo an Nebeltag öppis
schöns si chann....Und jeda dr ander kennt
Im Bünderland fühl i mi dahei
Will do oba mini Wurzla sind
In da Berga fühl i mi so richtig frei
In dr Fremdi werd i taub und blind
As isch a heiligi Welt
dr Rescht isch schnell verzellt
Fuchs und Haas treffen sich ohni Scham
Jeda wo's kennt de weis es au
Do oba isches eifach zmahn
Ob im Winter ob im Summer
Ob Pizokel oder Hummer
Alles was i bruch find i do
Eigentlich bin i froh
Das i gar nüd suacha....
z Meer vilicht mol buacha
Alles wonni wett, wenn i denn kann isch kurz
mol weg so dann und wann
Musik: Wittwer, Text: Wittwer
A Bar as Glas in dr Schtadt
dussa wirds Nacht
I sitza do und froga mi...
was hanni falsch gmacht
A Krischtallnacht dahei
Het alles zerschtört wo miar zwei gha henn
Jetzt sisch klar,
allei in dr Nacht vorem Glas in dr Bar
Du bisch weg...weg mit dem Typ
und i weiss nid ob i di hassa söll
i blib zrugg fühl mi so dumm
allai inra Bar und frog mi warum
Eigentlich ischs egal
Au das schtegg i weg
han scho schlimmers gseh
Glaubmer häti d Wahl
Nehmti sofort zrugg
verdammt as tuat weh
Musik: Mani Matter, Text: Mani Matter
Dr Ferdinand isch gschtorba
oh je oh je oh je
Dr Ferdinand isch gschtorba
as tuat miar hüt no weh
Är wo so viel hät gworba
um Liabi im Quartiar
Dr Ferdinand isch gschtorba
das armi Tiar
I wo aso viel Gaudi
am Ferdinand han gha
A so a schtolziMaudi
würd nia meh öppert ha
Nu d' Liabi hätt na trieba
nid Müs, nid Vögel noh
Är isch mis Vorbild blieba
dä Chatza - Ma
Wenn är sis unbeschwerta
ganza Lääba lang
Hät gsunga in da Gärta
und nüt als Minne - Gsang
Denn isch s' im immer glunga
ds Härz z'rüara vo sim Schatz
Är hät für d' Chatza gsunga
doch nit für d'Chatz
So hät är au am gröschta
Nochwuggs z' läba gschenggt
Das tuat üs immer tröschta -
sis läba igedenggt
AGanz hüfa Ferdinändli
schpaziaren hüt dur d'Schtädt
Sit dass na dr Herr Brändli
erschlaga hätt
Teil Lüt - ma sött si schtroofa
verschlüssen z' Härz dür d'Kunscht
Si wenn immer nu schloofa
und henk kei Sinn für d'Brunscht
So, hät au dr Herr Brändli
mittem Topf für d'Nacht
Dem arma Ferdinändli
as endi gmacht
D'Errinnerig blibt an a wildi strubi Ziit,
Jung villicht au dumm, a zit wo alles nimmt und alles git,
Ha gwohnt uf dr gass, ei mol dört und eimol do
Bi dr Sandra s'erscht mol gwohnt,wia jungi halt so sind, viel'zgschwind
Immer uf dr Jagt, nochem Klärli, was hescht was gischt,
hätsi mi als erschti gfrogt, weischt denn du was echti liabi ischt?
Es chunt wias muass, amma wüeschta Tag häts kehrt,
und dii richtig nieder mäht, denn chunnt dia Frau wo diar der Kopf verdräht
Es ischt Dia wildi Zit, woma gnüst und verfluecht voller Energie,
wo ma drüber red, is schwärma chunt und lacha kann drbii
Ref.
Immer volli channa immer unter Strom,
mittadri im Läba was interessiert di morn,
nit immer alles Plana was zelt ischt der Moment,
s'git Lüt dia hend iaresLäba schnell verzellt.
so gönd mer zämma, durch das Läba wo voll gruft,
wo fägt, pulsiert und schnuft und tauchend i, mitadri voll drbii
Es ischt a wildi Zit...
Ref.
Immer volli Channa...
Musik: Zinsli, Text: Zinsli
Ewiglang hani di scho nümma gseh
Scho fascht vergessa, dass se di git
A Erinnerig vo Vilna nid meh
Wia viel Anders vergessa mit dr Zit
Uf einmal sitzen miar so binanand
Könn plötzlich plaudra mitannand
Was frünaer fascht unmöglich isch gsi
Das lauft hüt als wär gar nütd drbi
Oh du hesch miar immer gfalla
Oh, i bin so gschtanda uf di
I hammi nia getraut zum diar das sega
Han Angscht gha mini Träum
segen schnell verbi
I verzella diar vo mina gfühl für di
Nid getraut, a Angschthaas bini gsi
Mit grossa Auga luagsch du mi den a
Seisch ohni Wort, as hätti könna ghe
Du verzellsch miar vo dinem Ma
i vo minra Frau
I merka du bisch glücklich i sicher au
Am schluss an Kuss...
bis denn in paar Johr
Mit a biz meh Falta und meh graua Hoor
Musik: Wittwer, Text: Wittwer
Kumm mit am Velo oder z Fuass
Oder miat an Flüger,
wenn's denn halt so si muass
Kumm mit am Schiff oder U-Boot
Tauch eifach uf....Hormone in Not
Wider a langi und einsami Nacht
I frog mi was si grad macht
Irgendwia kann das nid si
i vermissa di
Nimm d' Liana Schwing di vom Baum
zu Baum direkt in min Traum
Viel z lang sind Berga zwünsched üs gsi
Dia überwinda isch zwor no nit verbi
i han mi viel z lang drgega gwehrt
Grenza vor Hoffnig immer Füür überquert
Wider a langi und einsami Nacht
I froga mi was si grad macht
Irgendwia kanns das nit si
He Mädel i vermissa di
Wider a langi und einsami Nacht
Wo usma Held an verlürer macht
Irgendwia kanns das nid si
Irgendwia kann das nid si
Musik: Wittwer, Text: Wittwer
Zum Bischbil d Annabell
I verzell eu dia Gschicht schnell
Het immerwider wella miar
ernschthaft verzella
Warum dr Ma sozega
segi wiana Hüanerschtega
I hans nid nötig gha
Mi immerwider beleidiga z'loh
Bald scho hanna zupft
und eimolmeh as Herz verupft
Du bisch so schön....hanni 10000 mol gseit
Aber sisch leid öppis ganz anders gmeint
Please make di free for me
Please make di free for me
Denn d Angela
mit würkli sher viel dra
Han immer wider gsait, befrei vo dim Kleid
Do nimmt si mini Karta im Galopp
in nögschti Kleidershop
will miar das z blöd gsi isch
und vilicht au z tüür achli
hanni Türa gschletzt
und mi wider abgsetzt
Direkt in d Arma voma Warma
in Frauakleider doch eba leider
Isch das....nid würkli d Lösig gsi
Will er sich ganz adrett
Bi jeder Glegaheit uszoga het
Uszoga bini au....
so schnell wia möglich zunra Frau
Musik: Wittwer Tobias, Text: Wittwer
Alles was i will alles was i wett
Isch zämma si mit diar irgend imma Bett
Wit aweg vo do
Numma du und i
I giba zua i schpinn oder besser no i bin
veruggt noch diar sittmer zämma sind
I schterba für as Lacha
as Wort für dini Schtimm
I kann nüma denka
wett di numma gschpüra
nur no triba loh....
Mi vo diar loh schtüra
Nur du und i irgendwo im Nimmerland
Nur du und i nack im Warma Sand
Nur du und i ohni Schpura z hinterloh
Nur du und i im freia Fall...Gheia loh
I glaub i dreh no dura vo luter Leba
wüsst nit wo mi heba wetti diar säga
wenn's do nit eba
Di würdi geh
Dr Mittelpunkt bisch du dr Kreis ringsrum bin
i zämma nehmen miar z Leba ins Visier
und schüssen üs das Glück
wo üs treit
Musik: Wittwer, Text: Rohner
As isch d'Zit vo da Mäntel
und ds Laub isch scho bunt
Uf da Berga gsesch Schnee,
dr Winter, är chunnt
Wo sin Täg volla Wärmi nur hi
Warum chans denn nid eifach nu Summer si
Am liabschta würd i eifach go
Döt hi, wo d'Sunna isch, irgendwo
In dr Tagesschau gsehn i immer das Bild
Sunna total z' Klima isch mild
I chan nümma warta, sisch nid mini Zit
I will nur döt Hera, wos Sunna git
Drum schlüssa i d'Auga und tengga für mi
Füüf Monet schpöter isch alles verbi
Und i gsehn dr Summer cho
D Harley us dr Garasch gno
Inra Gartabeiz hogga,
vorem grossa Biar
Miar luegen da Miniröck noh
As isch a schtändigs cho und go
I schüssa d' Auga und scho träum i vo diar
Borda isch geil, und Carva grad au
Numma fufzehn Grad minus,
das macht mi zur Sau
Wiso chans im Juli kei Pulverschnee geh
Und warum chasch an Wianacht
nid Bada im See
Musik: Hobitz / Luger, Text: Wittwer
Wenn z Herz denggt denn brummt dr Kopf
Gebirrt Wünsch risst Muura i
As git kai Grenza as git kai Zühn
Immer lüter schreit min Wunsch
Irgendwenn ganz noch bi diar z'si
As isch a Schrei wo du nid ghörsch
Schlofsch mitem Geld lachsch für Profit
Liabi uf da erschti Blick-
illusiona sind möglich wenn's gnuag git
I Träum vo dina langa Hoor
Schtell mer vor dass bi miar bisch
Träum vomma Kuss wos Gratis isch
Jeda Obig sitz i do
Und henga heimlichi Träum no
Will du mini Traumfrau bisch
Jeda Obig sitz i do
und weis genau as kann nid si
Bitte nimmer z Leba ohni di
Du wehrsch di gega mini Blick
Jedem Wort wichsch eifach us
Du machsch zua und i mach uf
I renn gega Wänd und Muura wia wild
Verzell mi vertraua diar
Merk immer meh...Dis Herz isch blind
Musik: Wittwer, Text: Wittwer
Miar könn nümm warta hann kei Zit
Will nüd macha kai Sinn git
As werden Schtunda verloga
Menscha um Leba betroga
Und wider trügt dr Heiligaschin
As isch kai Zit zum verwundret tua
Sisch kai Zit für trügerischi Rua
Sisch jetzt Zit zum klar gseh
Z Leba in dia eigna Händ neh
Swird langsam Zit zum öpis tua
As sind Träum und as sind Visiona
Echti Träna, wenns berüahrt
Schtarchi Schultara wo Laschta trägen
Frischa verschtand
wo üs vorwärts führt
As sind Wort und schtilli Gedanka
Wo ganz am Afang wo Grossem schtönn
Alti Welta kömmen ins Wanka
Wenn jungi Bilder plötzlich laufea könn
Alles red niamert lost zua
Kaina würd a Schritt uf da Ander zua tua
As isch nüd so wias schint,
usser desses betrügt lügt und schlimt
Koitus Korruptus innara seela Rua
Musik: Wittwer, Text Wittwer
Wo bisch gsi woni di brucht hät
All dia Täg am Fenschter, klebt
Uf andri glost, da falscha glaubt
An minam Untergang mitbaut
Wo bisch gsi bi minam Ufbruch
inna andri Dimension
I han lang i d Sunna gschtarrt
Zämmaghurt dahei usgharrt
Schwerelos um d' Erda kreist
Ohni Halt in d Höll aba kreist
Und du hesch mi ghaia loh
Aber i bin nomol ko
Ohhh, i gebti alles woni han
Wenn irgendwenn amol
Wider richtig schlofa kann
Dia süassa Träum werden giftig irgendwenn
Usser, wenni ganz schnell renn
Laufa vor miar selber weg
Wemmi d Vergangaheit alacht
Bring letschti Träum in Sicherheit
Schlof am Tag, renn in dr Nacht
Bewegmi weg zu miar
Und möglichscht furt vo diar
Z erschtmol hesch mi no treit
mi ganz sanft i Sunna gleit
nackt in warma Schnee
nur dis Gsicht han i nia gseh
bi minam Ufbruch
in dia ander Dimension
© by may-day.ch Powered by goegg-art.ch 2020