Lass mi go

As isch lang här, dass miar zemma sin
oder isches erscht sit geschter, i weiss nümm genau
i sägs graadus, dass i glücklich bin
aber trotzdem fehlt miar öppis und das macht mi zur Sau
lass mi go, flüga mit em Wind
lass mi go, Träna trocknen gschwin

i hans probiart, öbs für immer chönn si
doch as hätt nid funktioniart, lön mers eifach derbi
was miar fehlt, isch dr Wind in mim Hoor
wo miar in rugga blosst, und mi triibt ganz fiin
lass mi go, flüga mit em Wind
lass mi go, Träna trocknen gschwind

Hüt Nacht gots loss mis schöna Chind
är rüaft miar zua, min Fründ dr Wind
as isch nid licht, di hüt z`verloh
i tringga uf dia schöni Zit
denn d`Nacht isch chalt, dr Wäg isch wit

i han nid wella, dass du truurig bisch
dass es weh tuat am Schluss, dass weiss i doch au
as isch eifach so, i bin, wia i bin,
versuach mi nid z`ändra, und säg eifach tschau

Spezifikationen